Aktrisa, ssenariynavis va prodyuser Milana Vayntrub “Tez yordam”, Californication, “Lizzi Maguayr” kabi mashhur seriallar, “Sevgi”, “Oqqush” singari filmlar, reklama roliklaridagi rollari orqali tanilgan. Biroq uning asli o‘zbekistonlik ekanligini ko‘pchilik bilmasa kerak, deya hikoya qiladi My Day.
Milana 1987-yilda Toshkentda tug‘ilgan, 2000-yil boshlarida ota-onasi bilan AQShga ko‘chib o‘tgan. Aktrisalik karyerasini besh yoshida, Mattel kompaniyasining Barbi qo‘g‘irchog‘i reklama roligidagi ishtirokidan boshlagan. Keyinchalik o‘smirlar orasida ommalashgan “Lizzi Maguayr” serialida epizodik rolda paydo bo‘ldi.
U tomoshabinlarga asosan Californication, “Tez yordam”, “Yolg‘on manzili” seriallari, A&AT reklama roliklari turkumidagi rollari orqali tanildi. New Media Rockstars kanali orqali namoyish etilgan Let’s Talk About Something More Interesting serialida ishtirok etdi. 2015-yilda esa “O‘zga koinot” fantastik komediya serialida suratga tusha boshladi.
2016-yil yanvarida Gretsiyaga tashrifi va qochoqlar oilalari bilan uchrashuvidan so‘ng Vayntrub #CantDoNothing ijtimoiy harakati va veb-sayti hammuassisiga aylandi.
Izoh (0)