Hindiston rasmiylari mamlakatning ayrim mintaqalarida keyingi paytda avj olgan yong‘inlar oldini olish uchun kunduzi taom tayyorlashni man etdi. Bu haqda “Interfaks” xabar bermoqda.
Shunday mintaqalar qatoriga mamlakat shimoli-sharqida joylashgan Bixar shtati ham kirdi, uning fuqarolariga 9 dan 18 ga qadar taom tayyorlash, dalada o‘t qo‘yish, olov bilan bog‘liq diniy marosimlar o‘tkazish taqiqlandi. Bunga rioya etmaganlar bir yilgacha qamoq jazosiga hukm qilinishi mumkin.
44 darajaga chiqayotgan jazirama va shamolli ob-havo sharoitida uchqunlar bir poxolli tomdan ikkinchisiga o‘tib, yirik yong‘inlarga olib kelmoqda. Bunday falokatlarda hozirgacha 79 kishi, jumladan, 10 nafar bola nobud bo‘ldi.
Hindistonda aprel oyining o‘zida jazirama bilan bog‘liq holatlar oqibatida 300 kishi olamdan o‘tdi. Kelgusida vaziyat bundan ham yomon tus olishi kutilmoqda: may mamlakatda yilning eng issiq oyi hisoblanadi, yomg‘irlar mavsumi esa iyundan boshlanadi.
Izoh (0)