Efiopiya Rossiya bilan o‘zining 160 million dollar miqdoridagi qarzidan kechilishi to‘g‘risida kelishib oldi. Bu haqda Efiopiya tashqi ishlar vaziri Tedros Adxanom ma’lum qildi, deya xabar beradi “Interfaks”.
“Shu haftada Moskvada bo‘lib o‘tgan Rossiya tashqi ishlar vaziri Sergey Lavrov bilan muzokaralar chog‘ida 160 million dollar qarzdan kechish haqida kelishuvga erishildi. Biz bu mablag‘lar ‘Qarzlar evaziga rivojlanish’ dasturi doirasida Efiopiyada Rossiya kompaniyalari ishtirokidagi loyihalarni moliyalashtirishda ishlatilishi xususida bir to‘xtamga keldik”, — deya ta’kidlagan Adxanom.
Vazirning bildirishicha, mazkur kelishuvni amalga oshirish uchun Addis-Abeba Moskvaga qarz mablag‘laridan foydalanish bo‘yicha aniq takliflar taqdim etishi lozim.
Izoh (0)