Londonning qimmat mehmonxonalari atigi 65 foizga to‘layotgani ma’lum bo‘ldi

Londonning mehmonxona biznesi teraktlar xavfi, Buyuk Britaniyaning Yevroittifoqdagi kelajagi mavhumligi, jahon iqtisodiyotidagi muammolar va boshqa qator omillar xorijiy sayyohlar va biznesmenlarni cho‘chitayotganini tufayli qiyinchiliklarni boshdan kechirmoqda. Bu haqda Bloomberg manbalariga tayanib, “Interfaks” ma’lum qildi.

Yuzaga kelgan vaziyatdan eng ko‘p “lyuks” toifasidagi mehmonxonalar jabr ko‘rmoqda, chunki badavlat sayyohlar va korporativ mijozlar siyosiy larzalarga darrov munosabat bildiradi. Shuningdek, ekspertlar bunday mehmonxonalar taklifi talabdan oshiq bo‘layotganini ta’kidlamoqda.

STR kompaniyasi ma’lumotlariga ko‘ra, birinchi chorakda Londonning eng qimmat otellari atigi 65 foizga to‘lgan, bu esa oxirgi yetti yil mobaynida yilning eng yomon boshlanishi ekanligi qayd etilmoqda. Mehmonxonalar to‘lmayotgani tufayli o‘z-o‘zidan ularning tushumi ham kamayib ketmoqda, biroq narxlar pasaymagan: kompaniyalar tariflarni kamaytirishdan ko‘ra, zarar ko‘rishni afzal bilmoqda.