Bugun,

  • USD 10940.05
  • RUB 182.26
  • EUR 11121.65

AQShning Nyu-Meksiko shtati sudi Rozuell shahrida yashovchi Janetta Garsa Alvarezni Facebook ijtimoiy tarmog‘ida maktabdagi sarosimaga sabab bo‘lgan xabarni e’lon qilgani uchun bir oylik qamoqqa mahkum etdi, deb yozadi “TASS”.

Foto: “TASS”

Foto: “TASS”

Alvarez 29-yanvar kuni yozib qoldirgan xabarida o‘g‘li bir necha sakkizinchi sinf o‘quvchilari maktabga to‘pponchalar keltirib, u yerda otishma uyushtirish rejasidan xabar topgani haqida ogohlantirgan. Post ota-onalarni ham, bolalarni ham juda qo‘rqitib yuborgan. Ertasi kuni 160 ga yaqin o‘quvchi darsga kelmagan, maktabga esa yuzlab telefon qo‘ng‘iroqlari bo‘lgan.

Maktab ma’muriyati Alvarezni vahimali kayfiyatni yuzaga keltirishda aybladi. Shu hafta boshida esa u sud tomonidan jamoatchilik tartibini buzganlikda aybdor deb topildi. Keyinga suriladigan qamoq jazosidan tashqari, unga sud jarayonini o‘tkazish bilan bog‘liq xarajatlar uchun 29 dollar to‘lash majburiyati yuklandi.

Maktab direktori Alvarez bu haqda Facebook’da e’lon qilish o‘rniga, o‘quv muassasasi rahbariyati yoki politsiyani ogohlantirishi kerak edi, deb hisoblaydi. Ayolning advokati esa apellyatsiya berish niyatini bildirdi. U Alvarezning hech qanday qonunni buzmaganini va maktab ma’muriyatiga murojaat qilishga majbur emasligini ta’kidladi.

O‘quvchilar haqiqatan ham otishma uyushtirmoqchi bo‘lgan-bo‘lmagani hozircha aniqlashtirilmoqda.

Izoh
Asosiy yangiliklar
Mahalliy
Foto: Toshkentda Xalqaro axborotdan erkin foydalanish kuniga bag‘ishlangan xalqaro konferensiya bo‘lib o‘tmoqda
Mahalliy
Qashqadaryoda 38 yoshli ayol va 19 yoshli qiz o‘zini poyezd tagiga tashlab, joniga qasd qildi. MFY raislaridan biri bu axborotni yashirib, “mahallaning siri” demoq...
Mahalliy
Shavkat Mirziyoyev transport sohasiga bag‘ishlangan yig‘ilish o‘tkazmoqda