Suriya harbiy-havo kuchlari samolyotlari Aleppodagi Zaxi-al-Azrak kasalxonasi yaqinida terrorchilarning qo‘mondonlik punkti va raketa qurilmalarini yo‘q qildi, 20 nafar jangari o‘ldirildi. Bu haqda “RIA Novosti” xabar bermoqda.
O‘z navbatida, “Chegara bilmas shifokorlar” xalqaro tashkiloti Aleppodagi kasalxonalariga aviazarba berilishi oqibatida 14 kishi, jumladan, bemorlar va tibbiyot xodimlari halok bo‘lgani, bino vayron etilganini bildirdi.
Agentlikning ko‘ngillilar orasidagi manbasining ta’kidlashicha, “samolyotlar kasalxonaga emas, uning yonidagi terrorchilar qo‘mondonlik punktiga aviazarba bergan. Bir necha qo‘lbola raketalarni uchirish qurilmalari yo‘q qilingan, yigirmaga yaqin jangari o‘ldirilgan. Ular orasida jangarilarni davolagan va o‘zi ham ular safida janglarda ishtirok etgan doktor Muhammad Vasim al-Ma’z ham bor”.
Eslatib o‘tamiz, oldinroq jangarilar Alepponing o‘qqa tutishi oqibatida o‘tgan kunlar davomida 26 kishi qurbon bo‘lgani, 60 dan ortiq kishi yaralangani haqida xabar berilgandi.
Izoh (0)