Qaroqchilar Nigeriya sohillarida qo‘lga olingan turkiyalik dengizchilarni ozod qildi

Dengiz qaroqchilari Turkiyaga qarashli M/T Puli tankeri ekipajining olti nafar a’zosini ozod qildi. Bu haqda tanker egasi bo‘lgan Kaptanoglu Denizcilik kompaniyasi advokati Fexmi Ulgener ma’lum qildi, deya xabar beradi “TASS”.

“Kema ekipaji 25-aprel, dushanba kuni ozod qilindi. Dengizchilar tibbiy ko‘rikdan o‘tdi, ularning holati qoniqarli ahvolda”, — deya ta’kidlagan advokat.

Tanker 11-aprelda Nigeriya hududiy suvlarida qaroqchilar tomonidan qo‘lga olingandi. Ular ekipajning bir qismi, jumladan, kapitanni ham o‘zi bilan birga olib ketgan, bortda qolgan dengizchilar esa tankerni yaqin oradagi portga yetkazgandi.