Toshkentda 28-martgacha oltita tramvay yo‘nalishi bor edi. Shu kuni shahar hokimi alohida matbuot anjumani tashkil etib, tez orada Toshkentdagi barcha tramvay yo‘nalishlari yopilishi, ularning izlari yo demontaj, yo ko‘mib tashlanishini e’lon qildi.
Foto: Facebook / Tursunov ShukhratHozirgi kunga kelib tramvay yo‘nalishlarining beshtasi o‘z faoliyatini to‘xtatdi. Faqat bitta — Beshqayrag‘och dahasidan “Chilonzor” buyum bozoriga qadar qatnovchi 17-tramvay hali ham yo‘lovchi tashimoqda. Bu yo‘nalish qachon yopilishi hozircha noma’lum.
Tarixi 1901-yildan boshlangan Toshkent tramvayi 1912-yilda elektrlashtirilgan bo‘lib, katta ehtimol bilan, endi uni O‘zbekiston hududida faqat fotosuratlarda ko‘rish mumkin.
Fotohavaskor Shuhrat Tursunov “Toshkent tramvayi” DUK deposida bo‘lib, 1901-yil konkalari va Belgiyadan olib kelingan dastlabki elektr-tramvaylardan tortib, 2011—2012-yillarda Chexiyadan olib kelingan zamonaviy Vario LF tramvaylarigacha hammasini tasvirga tushirdi.
Izoh (0)