Тошкентда 28 мартгача олтита трамвай йўналиши бор эди. Шу куни шаҳар ҳокими алоҳида матбуот анжумани ташкил этиб, тез орада Тошкентдаги барча трамвай йўналишлари ёпилиши, уларнинг излари ё демонтаж, ё кўмиб ташланишини эълон қилди.
Фото: Facebook / Tursunov ShukhratҲозирги кунга келиб трамвай йўналишларининг бештаси ўз фаолиятини тўхтатди. Фақат битта — Бешқайрағоч даҳасидан «Чилонзор» буюм бозорига қадар қатновчи 17-трамвай ҳали ҳам йўловчи ташимоқда. Бу йўналиш қачон ёпилиши ҳозирча номаълум.
Тарихи 1901 йилдан бошланган Тошкент трамвайи 1912 йилда электрлаштирилган бўлиб, катта эҳтимол билан, энди уни Ўзбекистон ҳудудида фақат фотосуратларда кўриш мумкин.
Фотоҳаваскор Шуҳрат Турсунов «Тошкент трамвайи» ДУК депосида бўлиб, 1901 йил конкалари ва Бельгиядан олиб келинган дастлабки электр-трамвайлардан тортиб, 2011—2012 йилларда Чехиядан олиб келинган замонавий Vario LF трамвайларигача ҳаммасини тасвирга туширди.
Изоҳ (0)