Buryatiyaning (Rossiya) Ikat tog‘ tizmalaridagi ko‘chkida irkutsklik alpinistlar Artyom Sinyushkin va Konstantin Krivosheyev halok bo‘lgan. Bu haqda “TASS” xabar bermoqda.
Guruh rahbari Aleksandr Klepikovning ma’lum qilishicha, halok bo‘lganlarning jasadi asosiy lagerga keltirilgan. 20-aprel, chorshanba kuni Rossiya FFV qutqaruvchilarning yordamga kelishi kutilmoqda.
Ikki alpinist ham katta tajribaga ega edi: Krivosheyev “Tog‘larda qutqaruv uchun” esdalik jetoni bilan taqdirlangan, Sinyushkin esa 3-toifali alpinizm instruktori bo‘lgan.
Izoh (0)