Moskvadagi “MISiS” texnologiyalar milliy tadqiqot universitetida tashkil etilgan “Millatlar kuni”da o‘zbekistonlik talabalar “Andijon polkasi”ga raqsga tushdi. Bu haqda, institut talabasi Aliyor Alimovga asoslanib, “V1.uz” xabar bermoqda.
O‘zbekistonlik talaba tomonidan YouTube videoxizmatiga joylashtirilgan videoyozuvda mo‘g‘ulistonliklardan so‘ng maydonga o‘zbekistonlik talabalar chiqib kelgani, “Andijon polkasi” sadolari ostida raqsga tushgani, so‘ng birgalikda O‘zbekiston bayrog‘ini hilpiratganini ko‘rish mumkin.
Ma’lumot uchun, “MISiS” — materialshunoslik va materiallar texnologiyasi sohasidagi Rossiyaning yetakchi universitetlardan biri hisoblanadi. Institutga 1930-yilda asos solingan bo‘lib, hozirda Rossiya oliy ta’lim muassasalarining yetakchi xalqaro ilmiy-tadqiqot markazlari orasida raqobatbardoshligini oshirish loyihasi ishtirokchisidir.
Izoh (0)