18-aprelning e’tiborga molik xabarlari — “Daryo”ning kechki dayjestida.
1. Xotira va qadrlash kuni munosabati bilan Ikkinchi jahon urushi qatnashchilari pul mukofoti bilan rag‘batlantiriladi. O‘zbekiston Prezidenti Islom Karimov bu haqdagi farmonni 18-aprel kuni imzoladi.
2. Oksana Chusovitina faoliyatidagi yettinchi Olimpiada o‘yinlariga yo‘llanmani qo‘lga kiritdi. Umuman, o‘zbekistonlik sportchilar tomonidan Rio–2016 o‘yinlariga qo‘lga kiritilgan yo‘llanmalar soni 65 taga yetdi.
3. Toshkentning Samarqand darvoza ko‘chasida qoldirilgan Cobalt sabab tramvay haydovchisi ishdan haydaldi. Bu tramvaychilar bilan bog‘liq yagona noxush xabar emas — 20-apreldan 9- va 13-tramvay yo‘nalishlari yopiladi.
4. 19-aprelda butun O‘zbekiston bo‘ylab yog‘ingarchilik kuzatiladi. Alohida hududlarda yog‘ingarchilik kuchli bo‘lishi kutilmoqda, momaqaldiroqlarni esa, va’da berishlaricha, mamlakatning har bir nuqtasida eshitish mumkin bo‘ladi.
5. Bedor dunyo: Tailandda Songkran festivali bo‘lib o‘tgan bir hafta mobaynida 440 dan ortiq odam avtohalokatlar qurboni bo‘ldi, Myanmadagi Tinjan suv festivali davomida 36 kishi halok bo‘ldi, Afg‘onistonda suv toshqini oqibatida 30 dan ortiq kishi halok bo‘ldi, Ekvadordagi zilzila qurbonlari soni 272 kishiga yetdi.
Izoh (0)