Apple 2008 йилдан бери АҚШдаги тергов идораларига 70 дан зиёд iPhone смартфонидаги маълумотларни олишда ёрдам берган. Кейинги пайтлардаги 13 та ҳолатда эса корпорация бундан бош тортган. Бу ҳақда The Wall Street Journal маълум қилди, дея хабар беради «ТАСС».
Ушбу маълумотлар Apple корпорациянинг АҚШ адлия вазирлиги билан тортишуви кўриб чиқилган Риверсайд шаҳри судига тақдим этган материалларга асосланган. Уларга кўра, расмийлар илк бор смартфон маълумотларига киришда ёрдам сўраб, 2008 йилда мурожаат этган ва томонларнинг ўзаро ҳамкорлиги 2013 йилга қадар давом этган.
Нашрнинг билдиришича, Эдвард Сноуден АҚШ махсус хизматларининг электрон кузатув услублари, хусусан, хориж раҳбарлари мулоқотлари эшитиб борганлигини ошкор этгач, Apple «маҳсулотлари ҳимояси даражасини оширган ва АҚШ расмийлари сўровларига танқидий кўз билан қарай бошлаган».
Изоҳ (0)