Braziliyada 1-yanvardan 26-martgacha bo‘lgan davrda cho‘chqa grippi asoratlaridan 71 kishi vafot etdi, deya xabar bermoqda “TASS” mamlakat sog‘liqni saqlash vazirligiga tayanib.
Butun 2015-yil davomida esa ushbu kasallik oqibatlaridan 36 kishi hayotdan ko‘z yumgan edi.
H1N1 virusi bilan bog‘liq o‘lim holatlarining ko‘pchiligi San-Paulu shtatida qayd etildi, ammo shunga o‘xshash holatlar Santa-Katarina, Rio-de-Janeyro, Minas-Jerays kabi boshqa hududlarda ham kuzatildi.
Shifokorlar ta’kidlashicha, bu yil kasallikning avj olishi odatdagidan ertaroq — qish kirib kelmasidan avvalroq sodir bo‘ldi (Braziliyada qish 22-iyunda boshlangan hisoblanadi).
Izoh (0)