Бразилияда 1 январдан 26 мартгача бўлган даврда чўчқа гриппи асоратларидан 71 киши вафот этди, дея хабар бермоқда «ТАСС» мамлакат соғлиқни сақлаш вазирлигига таяниб.
Бутун 2015 йил давомида эса ушбу касаллик оқибатларидан 36 киши ҳаётдан кўз юмган эди.
H1N1 вируси билан боғлиқ ўлим ҳолатларининг кўпчилиги Сан-Паулу штатида қайд этилди, аммо шунга ўхшаш ҳолатлар Санта-Катарина, Рио-де-Жанейро, Минас-Жерайс каби бошқа ҳудудларда ҳам кузатилди.
Шифокорлар таъкидлашича, бу йил касалликнинг авж олиши одатдагидан эртароқ — қиш кириб келмасидан аввалроқ содир бўлди (Бразилияда қиш 22 июнда бошланган ҳисобланади).
Изоҳ (0)