Yaman prezidenti Abd Rabbo Mansur Hodiyni qo‘llab-quvvatlayotgan Saudiya Arabistoni rasmiylari va Yaman hukumatiga qarshi chiqayotgan isyonchi xusiylar Ar-Riyoddagi muzokaralarda siljishga erishdi. Bu haqda Saudiya Arabistoni tashqi ishlar vaziri Odil al-Jubayr ma’lum qildi, deya xabar beradi “TASS”.
“Xusiylar delegatsiyasi hozirda ham Saudiya Arabistonida bo‘lib turibdi. Biz ular bilan muzokaralarda sezilarli natijalarga erishdik”, — deya ta’kidlagan vazir.
Shu bilan birga, al-Jubayr 18-aprelda Kuvaytda o‘tkazilishi mo‘ljallangan muzokaralarga qadar tomonlar Yamanda tinchlik o‘rnatilishi uchun ko‘proq sa’y-harakatlarni amalga oshirishi lozimligini bildirdi.
Izoh (0)