Toshkent shahrida 1-apreldan shahar jamoat transportida yurish huquqini beruvchi oylik yo‘l chiptalari narxi oshdi. Bu haqda “Toshshahartransxizmat” aksiyadorlik jamiyati matbuot xizmati xabar berdi.
Xabar berishlaricha, “A” seriyasidagi (avtobus va tramvayda yurish huquqini beradi) umumiy oylik yo‘l chiptasi narxi 120 ming so‘m, faqat avtobusda yurish huquqini beruvchi “AV” seriyasidagi oylik yo‘l chiptasi narxi esa 96 ming so‘m etib belgilangan.
O‘quvchilar (“O‘” seriya), talabalar (“T” seriya), nafaqaxo‘rlar (“N” seriya) uchun mo‘ljallangan, avtobus va tramvayda yurish huquqini beruvchi oylik yo‘l chiptalarining narxi 60 ming so‘mdan etib belgilangan. Mazkur yo‘l chiptalari yo‘nalishli taksi va metro uchun amal qilmaydi.
Avvalroq Toshkent jamoat transportida 1-apreldan yo‘l haqi 20 foizga qimmatlashishi haqida xabar berilgan edi.
Izoh (0)