O‘zbekiston Jurnalistlari ijodiy uyushmasi (JIU) 3-may — Jahon matbuoti erkinligi kuniga bag‘ishlab, Jurnalistlarni qayta tayyorlash markazi bilan hamkorlikda “Oltin qalam” XI Milliy mukofoti uchun xalqaro tanlov o‘tkazmoqda.
Tanlovga 2015-yilning 31-martidan 2016-yilning 31-martigacha — bir yil davomida gazeta va jurnallarda chop etilgan, radio orqali efirga uzatilgan hamda televideniyeda ko‘rsatilgan va internet nashrlarida berilgan materiallar 2016-yilning 10-apreligacha qabul qilinadi.
Tanlov g‘oliblari uchun quyidagi mukofotlar ta’sis etilgan:
- Jurnalistika sohasida bosh milliy mukofot.
- Eng yaxshi jurnalistik material uchun milliy mukofot (televideniye – 1-, 2-, 3-o‘rinlar);
- Eng yaxshi jurnalistik material uchun milliy mukofot (radio – 1-, 2-, 3-o‘rinlar);
- Eng yaxshi jurnalistik material uchun milliy mukofot (bosma OAV – 1-, 2-, 3-o‘rinlar);
- Eng yaxshi jurnalistik material uchun milliy mukofot (internet-jurnalistika – 1-, 2-, 3-o‘rinlar).
Shuningdek, tanlovda O‘zbekiston Xotin-qizlar qo‘mitasi, O‘zbekiston Kasaba uyushmalari Federatsiyasi kengashi, O‘zbekiston Mustaqil bosma OAV va axborot agentliklarini qo‘llab-quvvatlash va rivojlantirish Jamoat fondi, YuNESKOning O‘zbekistondagi vakolatxonasi, BMTning Axborot ofisi, “Hududiy muloqot” (Sloveniya), USAID’ning O‘zbekistonda sil kasalligiga qarshi kurash bo‘yicha dasturi, Germaniya Xalq universitetlari DVV International xalqaro assotsiatsiyasining O‘zbekistondagi vakolatxonasi rag‘batlantiruvchi nominatsiyalarda o‘z mukofotlarini ta’sis etgan.
Tanlov g‘oliblarini tantanali mukofotlash marosimi 2016-yil 3-may — Jahon matbuoti erkinligi kuni “Turkiston” saroyida o‘tkaziladi.
Tanlov haqida, uning shartlari va talablari haqida batafsil axborotni JIU saytida olish mumkin.
Izoh (0)