Xitoyning Chjeszyan provinsiyasidagi Szinxua shahar okrugi fuqarosi oilasi bilan janjallashib qolgach, o‘z otasi va akasini avtomobil kapotida 15 kilometr masofaga “sayr qildirdi”, deb yozadi “RIA Novosti” mahalliy OAVlarga tayanib.
Erkakning oilasida janjal yuzaga kelgan, shundan so‘ng u mashinaga o‘tirib, ketishga chog‘langan. Shu payt uning otasi va akasi erkakni to‘xtatib qolishga uringan, ammo u to‘xtamagan, natijada ota va aka u boshqarayotgan avtomobil kapotiga o‘tirib qolgan.
Erkak to‘xtamagan va yurishda davom etgan. OAVlarda e’lon qilingan suratda erkakning otasi va akasi kapotning chetlaridan ushlagan holda osilib turgani aks etgan. Hodisani ko‘rgan haydovchilar politsiyaga xabar bergan.
Keyingi postda avtomobilni tartib posbonlari to‘xtatgan. Harakatlanish chog‘ida erkak mashinani soatiga 50 km tezlikda haydagan.
Politsiya erkakni qanday jazo kutayotganini aytmadi, biroq ta’kidlanishicha, uchala erkak ham tartib posbonlaridan hodisa yuzasidan uzr so‘ragan, haydovchining o‘zi esa otasi va akasidan kechirim so‘ragan.
Izoh (0)