Хитойнинг Чжэцзян провинциясидаги Цзиньхуа шаҳар округи фуқароси оиласи билан жанжаллашиб қолгач, ўз отаси ва акасини автомобиль капотида 15 километр масофага «сайр қилдирди», деб ёзади «РИА Новости» маҳаллий ОАВларга таяниб.
Эркакнинг оиласида жанжал юзага келган, шундан сўнг у машинага ўтириб, кетишга чоғланган. Шу пайт унинг отаси ва акаси эркакни тўхтатиб қолишга уринган, аммо у тўхтамаган, натижада ота ва ака у бошқараётган автомобиль капотига ўтириб қолган.
Эркак тўхтамаган ва юришда давом этган. ОАВларда эълон қилинган суратда эркакнинг отаси ва акаси капотнинг четларидан ушлаган ҳолда осилиб тургани акс этган. Ҳодисани кўрган ҳайдовчилар полицияга хабар берган.
Кейинги постда автомобилни тартиб посбонлари тўхтатган. Ҳаракатланиш чоғида эркак машинани соатига 50 км тезликда ҳайдаган.
Полиция эркакни қандай жазо кутаётганини айтмади, бироқ таъкидланишича, учала эркак ҳам тартиб посбонларидан ҳодиса юзасидан узр сўраган, ҳайдовчининг ўзи эса отаси ва акасидан кечирим сўраган.
Изоҳ (0)