Sirdaryo viloyati hokimining ma’muriy masalalar, huquqni muhofaza qilish organlari faoliyatini muvofiqlashtirish, o‘zini o‘zi boshqarish organlari va yoshlar siyosati masalalari bo‘yicha birinchi o‘rinbosari Ismatullayev Sherzod Shuxratullayevich tayinlandi. Bu haqda viloyat hokimligi rasmiy veb-saytiga tayanib, “Gazeta.uz” xabar bermoqda.
Sherzod Ismatullayev 1974-yilda Toshkent shahrida tug‘ilgan. 1996-yilda Toshkent temir yo‘l transporti muhandislari institutini tamomlagan va o‘shandan buyon “O‘zbekiston temir yo‘llari” tizimida ishlab kelgan.
Bu lavozimga tayinlanguniga qadar u 2014—2016-yillarda “O‘zbekiston temir yo‘llari” aksiyadorlik jamiyati bosh menejeri – bosh muhandisi; 2009—2014-yillarda esa “O‘zbekiston temir yo‘llari” boshqaruvi raisi o‘rinbosari bo‘lib ishlagan.
Izoh (0)