Xitoyda ro‘yxatga olingan 100 ga yaqin qayiq va kemalar Janubiy Xitoy dengizida Malayziya suv hududiga kirdi, deya xabar bermoqda “RIA Novosti” Malayziya bosh vaziri vakili Shahidan Qosimga tayanib.
Hodisa 24-mart, payshanba kuni Kalimantan orolidan shimoldagi Lukoniya qoyalari yaqinida sodir bo‘ldi.
Malayziya hukumati mamlakat harbiy-dengiz kuchlariga Janubiy Xitoy dengizidagi vaziyatni nazorat qilishni buyurdi.
Qosimning so‘zlariga ko‘ra, agar qayiqlar mamlakatning erkin iqtisodiy hududi suvlariga kirgani aniqlansa, xavfsizlikni ta’minlash bo‘yicha zarur choralar ko‘riladi.
Janubiy Xitoy dengizi orqali jahon dengiz yuki oqimining qariyb uchdan bir qasmi o‘tadi, u yerda joylashgan orollar shelfi esa neftga boy. Ushbu joydagi turli hududlarga, Xitoydan tashqari, Bruney, Vyetnam, Malayziya va Filippin da’vogarlik qiladi.
Izoh (0)