1986-yili “Chellenjer” ko‘p bor foydalaniladigan koinot kemasi halokati haqida ogohlantirgan NASA sobiq muhandisi Bob Ebeling 90 yoshida vafot etdi. Bu haqda “Interfaks” xabar bermoqda.
O‘shanda Ebeling NASA raketalari uchun tezlatgichlar yetkazib bergan Morton Thiokol kompaniyasida ishlardi. U va bir necha hamkasblari hukm surayotgan favqulodda sovuq havo qattiq yoqilg‘ili tezlatgich rezina halqalarini shikastlashi va bu yoqilg‘i sizishiga olib kelishi mumkinligidan tashvishga tushgan. Ebeling o‘z xavotirlarini parvozdan bir kun oldin rahbariyatga yetkazgan va ularni missiyani qoldirishga ko‘ndirish uchun bir necha soat uringandi.
O‘zi bilan birga ishlagan qizining aytishicha, o‘sha kuni otasi nihoyatda tushkun holatda bo‘lgan. U to‘pponcha olib kelib, rahbariyatni asirlikka olgandagina parvozni bekor qilishi mumkinligini ma’lum qilgandi.
NASA’da 20 yilga yaqin mehnat qilgan Ebeling ekipajining barcha yetti nafar a’zosi halok bo‘lgan “Chellenjer” fojiasi (1986-yil 28-yanvar)dan bir necha oy o‘tib, ishdan bo‘shab ketgandi.
Izoh (0)