Хитой байроғи остидаги 100 га яқин кема Малайзия сувларига кирди
Хитойда рўйхатга олинган 100 га яқин қайиқ ва кемалар Жанубий Хитой денгизида Малайзия сув ҳудудига кирди, дея хабар бермоқда «РИА Новости» Малайзия бош вазири вакили Шаҳидан Қосимга таяниб.
Ҳодиса 24 март, пайшанба куни Калимантан оролидан шимолдаги Лукония қоялари яқинида содир бўлди.
Малайзия ҳукумати мамлакат ҳарбий-денгиз кучларига Жанубий Хитой денгизидаги вазиятни назорат қилишни буюрди.
Қосимнинг сўзларига кўра, агар қайиқлар мамлакатнинг эркин иқтисодий ҳудуди сувларига киргани аниқланса, хавфсизликни таъминлаш бўйича зарур чоралар кўрилади.
Жанубий Хитой денгизи орқали жаҳон денгиз юки оқимининг қарийб учдан бир қасми ўтади, у ерда жойлашган ороллар шельфи эса нефтга бой. Ушбу жойдаги турли ҳудудларга, Хитойдан ташқари, Бруней, Вьетнам, Малайзия ва Филиппин даъвогарлик қилади.
