Samarqand shahri ko‘chalari va chorrahalariga yo‘l harakati qoidabuzarliklarini aniqlash uchun kuzatuv kameralarini o‘rnatish ishlari davom etmoqda. Facebook’dagi “Samarqand va samarqandliklar” guruhida qoldirilgan xabarga shaharning Mirzo Ulug‘bek ko‘chasida o‘rnatilayotgan kamerani ko‘rish mumkin.
Avvalroq Samarqand shahrining Bog‘ishamol ko‘chasidagi, Amir Temur haykali oldidagi chorrahalarga va Registon maydoni oldidagi ko‘cha bo‘ylab videokuzatuv kameralari o‘rnatilgani haqida xabar berilgan edi — ushbu kameralar maxsus akkumlyatorga o‘rnatilgan bo‘lib, u elektr ta’minoti uzilgan vaqtda sakkiz soat davomida videokamera va svetoforlarning bir maromda ishlab turishini ta’minlaydi.
Rossiyadan olib kelingan kuzatuv kameralarini keyinchalik shaharning yana yetti nuqtasiga, xususan, Mirzo Ulug‘bek, Oydin yo‘l, Gagarin va Rudakiy ko‘chalari chorrahalariga o‘rnatish rejalashtirilayotgani ma’lum qilingan edi.
Izoh (0)