Qozog‘iston Markaziy saylov komissiyasi partiyalar Majlisda nechtadan o‘ringa ega bo‘lishini ma’lum qildi, deb yozadi “Tengrinews.kz”.
Komissiya saylovlar yakunlariga ko‘ra, partiyalar ro‘yxati bo‘yicha quyidagi natijalarni e’lon qildi:
- “Nur Otan” — 84 ta mandat (ovozlarning 82,2 foizi);
- “Ak jol” Qozog‘iston demokratik partiyasi — 7 ta mandat (7,18%);
- Qozog‘iston kommunistik xalq partiyasi — 7 ta mandat (7,14%).
Nashr eslatishicha, saylovda uchta partiya minimal marradan o‘ta olmadi. Bular “Birlik” partiyasi (0,29%), Umummilliy sotsial-demokratik partiya (1,18%) va “Auil” xalq-demokratik vatanparvarlik partiyasi (2,01%).
Eslatib o‘tamiz, avvalroq Qozog‘iston prezidenti Nursulton Nazarboyev 20-mart, yakshanba kuni bo‘lib o‘tgannavbatdan tashqari parlament saylovlarini “ochiq va haqqoniy” deb atagan edi.
Izoh (0)