Қозоғистон Марказий сайлов комиссияси партиялар Мажлисда нечтадан ўринга эга бўлишини маълум қилди, деб ёзади «Tengrinews.kz».
Комиссия сайловлар якунларига кўра, партиялар рўйхати бўйича қуйидаги натижаларни эълон қилди:
- «Нур Отан» — 84 та мандат (овозларнинг 82,2 фоизи);
- «Ак жол» Қозоғистон демократик партияси — 7 та мандат (7,18%);
- Қозоғистон коммунистик халқ партияси — 7 та мандат (7,14%).
Нашр эслатишича, сайловда учта партия минимал маррадан ўта олмади. Булар «Бирлик» партияси (0,29%), Умуммиллий социал-демократик партия (1,18%) ва «Ауил» халқ-демократик ватанпарварлик партияси (2,01%).
Эслатиб ўтамиз, аввалроқ Қозоғистон президенти Нурсултон Назарбоев 20 март, якшанба куни бўлиб ўтган навбатдан ташқари парламент сайловларини «очиқ ва ҳаққоний» деб атаган эди.
Изоҳ (0)