Xitoyning Chjuxay shahrida gravitatsiya to‘lqinlarini o‘rganish bo‘yicha tadqiqot markazi qurilishi uchun birinchi g‘ishtni qo‘yish marosimi bo‘lib o‘tdi, deb yozadi “TASS”. Investitsiyalarning umumiy hajmi 15 milliard yuan (taxminan 2,3 milliard dollar)ni tashkil etadi.
“Tyansin” deb nom olgan loyiha 30 ming kvadrat metr maydonli tadqiqot observatoriyasi va yana 10 ming kvadrat metrli tovushdan izolyatsiya qilingan laboratoriya qurilishini o‘z ichiga oladi.
“Tyansin” dasturi 15—20 yil davomida to‘rtta bosqichda amalga oshiriladi: u koinotga uchta yuqori orbital yo‘ldoshlarni uchirishni ko‘zda tutadi, ularning vazifasi gravitatsiya to‘lqinlarini aniqlashdan iborat bo‘ladi.
Eslatib o‘tamiz, 11-fevral kuni Milliy fan jamg‘armasi gravitatsiya to‘lqinlarining mavjudligi isboti bir vaqtning o‘zida ikki – Luiziana va Vashington shtatlaridagi observatoriyalar tomonidan 2015-yilning 14-sentabr kuni qo‘lga kiritilganligini ma’lum qilgan edi.
Izoh (0)