Yaponiya AQShga avvalroq sotib olingan plutoniy partiyasini jo‘natadi

Yaponiya “sovuq urush” davrida eksperiment maqsadida o‘z hududiga keltirilgan plutoniy partiyasini AQShga yuboradi, deya xabar bermoqda “TASS”.

Ayni paytda Ibaraki prefekturasidagi Tokaimura yadro markazi omborida 331 kg plutoniy saqlanmoqda. U 40—50 ta yadro o‘qini tayyorlash uchun yetarli bo‘ladi. 21-mart kuni u yerga Britaniyaning Pacific Egret kemasi yetib bordi, u yuqori radioaktiv materiallarni tashish uchun mo‘ljallangan.

Plutoniy partiyasi to‘liq yoki qisman yuborilishi hozircha noma’lum. Kema harakati yo‘nalishi ham xavfsizlik yuzasidan oshkor etilmayapti.

Ushbu plutoniy AQShning Janubiy Karolina shtatidagi Savanna-River yadro majmuasida ishlatilishi kutilmoqda.