Internetda bo‘lajak HTC M10 flagmanining yangi suratlarini e’lon qilishdi, deb yozadi “Hi-tech.mail.ru”. Ushbu tasvirlarni yaratishda qurilmaning dizayni, tashqi ko‘rinishi va boshqaruvchi elementlari joylashuvi bilan bog‘liq barcha mish-mishlar va tarqalgan ma’lumotlarni hisobga olishdi.
Tasvirlar yuqori sifatli bo‘lgani uchun ular orqali smartfon haqida batafsil ma’lumot olish mumkin. HTC M10 uch xil tusdagi korpusda tasvirlandi, bular to‘liq qora korpus va qora ekran; kumushrang korpus va oq ekran; kumushrang korpus va qora ekran.
Rasmlardan ma’lum bo‘lishicha, qurilmada USB Type-C porti qo‘llaniladi, u dinamiklar va mikrofon bilan birga, qurilmaning pastki qirrasida joylashadi.
Shuningdek, ushbu suratlarni yaratishda yangi HTC qurilmasining old panelidagi qiya qirra balandroq va ingichkaroq, orqa qiya qirra esa kattaroq bo‘lgani, asosiy kamera modulining joylashuvi, Home tugmasining hajmi va joylashuvi, displey kattaligi, 2,5D-shisha, shuningdek, displey atrofiga qora himoya romi o‘rnatilgani hisobga olindi.
Mish-mishlarga ko‘ra, HTC M10 5,15 dyuymli Quad HD AMOLED ekran, Snapdragon 820 protsessori, 4 Gb tezkor xotira, 12 megapikselli asosiy kameraga ega bo‘ladi.
Izoh (0)