Twitter mikrobloglar servisida bitta xabarning 140 ta belgi bilan cheklanishi kuchda qoladi. Bu haqda kompaniya ijrochi direktori Jek Dorsi ma’lum qildi, deb yozadi “TASS”.
“U (cheklov) o‘z o‘rnida qoladi, — dedi u NBC telekompaniyasiga bergan intervyusida. — Bu biz uchun yaxshi cheklagich, u lo‘nda bo‘lish imkonini beradi”.
Shu tariqa, Dorsi OAVlarda Twitter tez orada bitta tvitdagi belgilar soniga qo‘yilgan cheklovni olib tashlashi haqida vaqti-vaqti bilan paydo bo‘lib turgan xabarlarni rad etdi.
Eslatib o‘tamiz, avvalroq Twitter foydalanuvchilarga hozirgi 140 belgi o‘rniga 10 minggacha belgidan iborat hajmdagi postlarni joylashtirish imkoniyatini berishni rejalashtirayotgani aytilgan edi.