Интернетда бўлажак HTC M10 флагманининг янги суратларини эълон қилишди, деб ёзади «Hi-tech.mail.ru». Ушбу тасвирларни яратишда қурилманинг дизайни, ташқи кўриниши ва бошқарувчи элементлари жойлашуви билан боғлиқ барча миш-мишлар ва тарқалган маълумотларни ҳисобга олишди.
Тасвирлар юқори сифатли бўлгани учун улар орқали смартфон ҳақида батафсил маълумот олиш мумкин. HTC M10 уч хил тусдаги корпусда тасвирланди, булар тўлиқ қора корпус ва қора экран; кумушранг корпус ва оқ экран; кумушранг корпус ва қора экран.
Расмлардан маълум бўлишича, қурилмада USB Тype-C порти қўлланилади, у динамиклар ва микрофон билан бирга, қурилманинг пастки қиррасида жойлашади.
Шунингдек, ушбу суратларни яратишда янги HTC қурилмасининг олд панелидаги қия қирра баландроқ ва ингичкароқ, орқа қия қирра эса каттароқ бўлгани, асосий камера модулининг жойлашуви, Home тугмасининг ҳажми ва жойлашуви, дисплей катталиги, 2,5D-шиша, шунингдек, дисплей атрофига қора ҳимоя роми ўрнатилгани ҳисобга олинди.
Миш-мишларга кўра, HTC M10 5,15 дюймли Quad HD АМOLED экран, Snapdragon 820 процессори, 4 Гб тезкор хотира, 12 мегапикселли асосий камерага эга бўлади.
Изоҳ (0)