Футбол бўйича Италия «А» Серияси 30-тури доирасида 19 март, шанба куни икки учрашув бўлиб ўтди.
Мазкур турнинг марказий ўйини Римдаги «Олимпико» стадионида кечиб, Чемпионлар Лигаси йўлланмаси учун кураш олиб бораётган «Рома» ва «Интер» жамоалари очколарни бўлиб олди. Томонларнинг Милан шаҳрида бўлиб ўтган биринчи давра ўйинида «Интер» 1:0 ҳисобида ғалаба қозонганди.
Лучанно Спалетти ташрифидан кейин «Рома» сўнгги саккиз ўйиннинг ҳар бирида ўрта ҳисобда 3 та гол уриб келаётганди. «Интер» эса сўнгги олти учрашувда дарвозаси дахлсизлигини сақлай олмади. Самир Хандановичнинг еттинчи ўйинда ҳам гол ўтказиб юборгани миланликларни 2 очкодан маҳрум этди.
30 та ўйинда 60 очко тўплаган «Рома» А серияда 3-ўринни эгаллаб турибди. 4-ўринда бораётган «Интер» 55 очкога эга.
Италия А серияси 30-тур учрашувлари 20 март, якшанба
«Рома» — «Интер» 1:1 Голлар: Иван Перишич, 53 (0:1). Раджа Найнгголан, 84 (1:1).«Рома»: Войтцех Шесни, Лукас Дин (Эмерсон, 81), Алессандро Флоренци, Константинос Манолас, Антонио Рюдигер, Раджа Найнгголан, Сейду Кейта (Эдин Жеко, 57), Миралем Пянич, Стефан Эл-Шаарави (Даниэле де Росси, 90+3), Муҳаммад Салаҳ, Диего Перотти.«Интер»: Самир Ханданович, Юто Нагатомо, Жейсон Мурило, Жоао Миранда, Данило ДъАмброзио, Гари Медел, Марсело Брозович, Иван Перишич, Жонатан Бябяни (Рей Манай, 82), Адем Ляйич (Фелипе Мело, 86), Эдер.
«Эмполи» — «Палермо» 0:0
Изоҳ (0)