Футбол бўйича Англия Премьер-лигаси (АПЛ)нинг 31-турида Лондоннинг «Арсенал» жамоаси Ливерпулнинг «Эвертон» клуби устидан 2:0 ҳисобида ғалаба қозонди. Бу ҳақда АПЛ расмий сайти хабар бермоқда.
«Арсенал» АПЛнинг сўнгги уч турида ғалаба қозона олмаган эди. Барча мусобақаларни қўшиб ҳисоблаганда, Лондон клуби сўнгги саккиз беллашувнинг фақатгина биттасида зафар қучган эди.
«Гудисон Парк» стадионида кечган ўйинда «Арсенал» муваффақиятсиз юришига чек қўйди. Денни Уэлбек ва Алекс Аюоби томонидан киритилган икки гол «Арсенал»га ғалаба келтирди.
30 ўйинда 55 очко жамғарган «Арсенал» Премьер-лига турнир жадвалида 3-ўринни эгаллаб турибди. Пешқадам «Лестер» 63, «Тоттенхем» 58 очкога эга. «Эвертон» эса 38 очко билан 12-ўриндан жой олган.
Англия Премьер-лигаси31-тур учрашуви19 март, шанба
«Эвертон» — «Арсенал» 0:2
Голлар: Денни Уэлбек, 7 (0:1). Алекс Аюоби, 42 (0:2).«Эвертон»: Хоэл Баскес, Шеймус Коулман, Лейтон Бейнс, Фил Жагелка, Рамиро Мори, Муҳаммад Бешич (Жон Стоунс, 46), Аарон Леннон, Жеймс Маккарти, Росс Баркли (Ҳерард Деулофеу, 73), Том Клеверли, Ромелу Лукаку.
«Арсенал»: Давид Оспина, Эктор Белерин, Начо Монреал, Габриэл Паулиста, Лоран Коселни, Муҳаммад Эл-Ненни, Франсис Коклен, Месут Ўзил (Киран Гиббз, 74), Алекс Аюоби (Калум Чемберс, 86), Денни Уэлбек (Оливе Жиру, 75), Алексис Санчес.
31-турнинг қолган ўйинлари 19—20 март кунлари бўлиб ўтади:
19 март, шанба«Кристал Пелас» — «Лестер»«Вест Бромвич» — «Норвич»«Уотфорд» — «Сток Сити»«Челси» — «Вест Хем»«Суонси» — «Астон Вилла»
20 март, якшанба«Саутгемптон» — «Ливерпул»«Нюкасл» — «Сандерленд»«Тоттенхем» — «Борнмут»«Манчестер Юнайтед» — «Манчестер Сити»
Изоҳ (0)