Rossiyalik futbolchi Andrey Arshavin Qozog‘istonning “Qayrat” klubi bilan shartnoma imzoladi. Bu haqda klub rasmiy sayti xabar tarqatdi.
Shartnoma ko‘ra, futbolchi keyingi bir yil davomida Qozog‘iston klubi sharafini himoya qiladi. Bir yillik o‘zaro hamkorlik har ikki tomon uchun manfaatli deb topilsa, shartnoma yana bir yilga uzaytirilishi mumkin.
34 yoshli Arshavin yangi jamoasida 28-raqamda to‘p suradi.
Arshavin futbolchilik faoliyatini Rossiyaning “Zenit” klubida boshlagan. Arshavin “Zenit” bilan birga 2008-yili UEFA Kubogi va Yevropa Superkubogida g‘alaba qozongan, Rossiya terma jamoasi bilan Yevro—2008 ning yarim finaliga qadar yetib borgan.
2009-yilgi mavsumda “Arsenal” bilan shartnoma imzolagan Arshavin, London klubida 100 dan ortiq o‘yinda maydonga tushdi, 2013-yili esa “Zenit” ga qaytdi. Uning so‘nggi jamoasi Krasnodarning “Kuban” klubi edi.
Izoh (0)