Bugun, 18-mart kuni Shveysariyaning Nyon shahrida futbol bo‘yicha Yevropa Chempionlar Ligasining chorak final bosqichiga qur’a tashlash marosimi bo‘lib o‘tadi, deya xabar bermoqda “Chempionat.com”.
“Barselona” musobaqa nimchorak finalida Londonning “Arsenal” jamoasini mag‘lub etgach, Ispaniyaning Sport nashri Kataloniya klubi chorak finalda kimga raqib bo‘lishi maqbul ekani borasida so‘rovnoma o‘tkazdi. So‘rovnomada ishtirok etganlarning aksariyati “Real Madrid” variantini tanladi.
Ma’lumot uchun, 2015/2016-yilgi mavsum hisobidan “Barselona” va “Real Madrid” hozirga qadar bir marta to‘qnash kelgan bo‘lib, “Santyago Bernabeu” stadionida bo‘lib o‘tgan El-Klasikoda “Barselona” 4:0 hisobida g‘alaba qozongan edi.Avvalroq “Barselona” bosh murabbiyi Luis Enrike chorak finalda faqatgina bir jamoa — “Barselona” bilan to‘qnash kelishni istamasligi haqida aytib o‘tgandi.
Izoh (0)