Futbol bo‘yicha Yevropa Chempionlar Ligasi nimchorak finalida Turinning “Yuventus” klubini mag‘lubiyatga uchratgan “Bavariya” 15 marta YeChL chorak finaliga yo‘llanma oldi. “Sports.ru”ning yozishicha, hozirga qadar birorta klub bunday ko‘rsatkichga erishmagan.
Bundan tashqari, “Bavariya” boshqa bir rekord natijaga ham erishdi — jamoa o‘z maydonida o‘tgan ketma-ket yetti o‘yinda uchta yoki undan ko‘proq gol urdi. Bunday natijani ham hozirga qadar birorta klub qayd etmagan.
Quyida Yevropa Chempionlar Ligasi doirasida Allianz Arena’da o‘tkazilgan so‘nggi 8 ta uchrashuv natijasi bilan tanishish mumkin.
2014-yil, 10-dekabr“Bavariya” — “SSKA” 3:0
2015-yil, 11-mart“Bavariya” — “Shaxtyor” 7:0
2015-yil, 21-aprel“Bavariya” — “Portu” 6:1
2015-yil, 12-may“Bavariya” — “Barselona” 3:2
2015-yil, 29-sentabr“Bavariya” — “Dinamo” Zagreb 5:0
2015-yil, 4-noyabr“Bavariya” — “Arsenal” 5:1
2015-yil, 24-noyabr“Bavariya” — “Olimpiakos” 4:0
2016-yil, 16-mart“Bavariya” — “Yuventus” 4:2
Avvalroq Ispaniyaning “Barselona” jamoasi YeChL chorak finaliga ketma-ket to‘qqiz marta chiqqani bilan rekord qayd etgani haqida xabar berilgan edi.
Izoh (0)