Бугун, 18 март куни Швейцариянинг Нён шаҳрида футбол бўйича Европа Чемпионлар Лигасининг чорак финал босқичига қуръа ташлаш маросими бўлиб ўтади, дея хабар бермоқда «Chempionat.com».
«Барселона» мусобақа нимчорак финалида Лондоннинг «Арсенал» жамоасини мағлуб этгач, Испаниянинг Спорт нашри Каталония клуби чорак финалда кимга рақиб бўлиши мақбул экани борасида сўровнома ўтказди. Сўровномада иштирок этганларнинг аксарияти «Реал Мадрид» вариантини танлади.
Маълумот учун, 2015/2016 йилги мавсум ҳисобидан «Барселона» ва «Реал Мадрид» ҳозирга қадар бир марта тўқнаш келган бўлиб, «Сантяго Бернабеу» стадионида бўлиб ўтган Эл-Класикода «Барселона» 4:0 ҳисобида ғалаба қозонган эди.Аввалроқ «Барселона» бош мураббийи Луис Энрике чорак финалда фақатгина бир жамоа — «Барселона» билан тўқнаш келишни истамаслиги ҳақида айтиб ўтганди.
Изоҳ (0)