Futbol bo‘yicha Osiyo Chempionlar Ligasi “B” guruhida ishtirok etayotgan “Bunyodkor” 3-turda 1 ochkoni qo‘lga kiritdi. 16-mart, chorshanba kuni Eronning “Zob Ahon” jamoasiga qarshi Toshkentda kechgan va stadionda 4 567 nafar muxlis kuzatib borgan uchrashuvda hisob ochilmadi.
“Bunyodkor” o‘tgan mavsum OChL guruh bosqichidagi o‘zi mezbonlik qilgan o‘yinlarda gol ura olmay, barchasida bir xil — 0:1 hisobida yutqazgandi. Bu yil Toshkentdagi ikki o‘yinda “Bunyodkor” gol urolmadi — “Zob Ohan”ga qarshi o‘yindan tashqari, 2-turda jamoa Saudiyaning “Al-Nassr” klubiga 0:1 hisobida mag‘lub bo‘lgan.
Guruh bosqichi 3-tur uchrashuvidan so‘ng, “Zob Ahon” ochkolari sonini 5 taga yetkazib oldi, “Bunyodkor” hisobida esa 2 ochko bor. Guruhning “Al-Nassr” (4 ochko) va “Lahviya” (1) klublari ishtirokidagi ikkinchi o‘yini bugun, 15-mart kuni Toshkent vaqti bilan 22:15 da boshlanadi.
Osiyo Chempionlar Ligasi “B” guruhi, 3-tur uchrashuvi 16-mart, chorshanba
“Bunyodkor” (O‘zbekiston) — “Zob Ohan (Eron) 0:0
Ogohlantirish: Aleksandr Alimpiyevich, 22 (B).“Bunyodkor”: 25. Murod Zuhurov, 3. Akrom Komilov, 7. Shaker Zuagi, 9. Sato Minori, 14. Bahodir Nasimov (19. Zabihillo O‘rinboyev, 59), 16. Dilshod Ahmadaliyev, 22. Rustam Ashurmatov, 29. Otabek Shukurov, 30. Bulyat Yuritsa, 71. Aleksandr Alimpiyevich (10. Eldor Shomurodov, 46), 77. Viktor Karpenko (17. Dostonbek Hamdamov, 46).
“Zob Ohan”: 12. Muhammadrashid Mazahiriy, 3. Ismoil Volidiy, 4. Xodi Muhammadiy, 8. Qosim Hadadifar, 9. Kaveh Rizoiy, 11. Murtazo Tabriziy (17. Marko Aurelio, 73), 15. Ehson Pahlavon, 16. Mahdipur Mahdiy, 18. Ali Hamam (23. Doniyol Ismoilifar, 46), 30. Mahdi Rajabzoda (77. Amirkamdar Ahmad, 84), 33. Vohid Muhammadzoda.
Izoh (0)