Футбол бўйича Осиё Чемпионлар Лигаси «Б» гуруҳида иштирок этаётган «Бунёдкор» 3-турда 1 очкони қўлга киритди. 16 март, чоршанба куни Эроннинг «Зоб Аҳон» жамоасига қарши Тошкентда кечган ва стадионда 4 567 нафар мухлис кузатиб борган учрашувда ҳисоб очилмади.
«Бунёдкор» ўтган мавсум ОЧЛ гуруҳ босқичидаги ўзи мезбонлик қилган ўйинларда гол ура олмай, барчасида бир хил — 0:1 ҳисобида ютқазганди. Бу йил Тошкентдаги икки ўйинда «Бунёдкор» гол уролмади — «Зоб Оҳан»га қарши ўйиндан ташқари, 2-турда жамоа Саудиянинг «Ал-Насср» клубига 0:1 ҳисобида мағлуб бўлган.
Гуруҳ босқичи 3-тур учрашувидан сўнг, «Зоб Аҳон» очколари сонини 5 тага етказиб олди, «Бунёдкор» ҳисобида эса 2 очко бор. Гуруҳнинг «Ал-Насср» (4 очко) ва «Лаҳвия» (1) клублари иштирокидаги иккинчи ўйини бугун, 15 март куни Тошкент вақти билан 22:15 да бошланади.
Осиё Чемпионлар Лигаси «Б» гуруҳи, 3-тур учрашуви 16 март, чоршанба
«Бунёдкор» (Ўзбекистон) — «Зоб Оҳан (Эрон) 0:0
Огоҳлантириш: Александр Алимпиевич, 22 (Б).«Бунёдкор»: 25. Мурод Зуҳуров, 3. Акром Комилов, 7. Шакер Зуаги, 9. Сато Минори, 14. Баҳодир Насимов (19. Забиҳилло Ўринбоев, 59), 16. Дилшод Аҳмадалиев, 22. Рустам Ашурматов, 29. Отабек Шукуров, 30. Булят Юрица, 71. Александр Алимпиевич (10. Элдор Шомуродов, 46), 77. Виктор Карпенко (17. Достонбек Ҳамдамов, 46).
«Зоб Оҳан»: 12. Муҳаммадрашид Мазаҳирий, 3. Исмоил Волидий, 4. Ходи Муҳаммадий, 8. Қосим Ҳададифар, 9. Кавеҳ Ризоий, 11. Муртазо Табризий (17. Марко Аурелио, 73), 15. Эҳсон Паҳлавон, 16. Маҳдипур Маҳдий, 18. Али Ҳамам (23. Дониёл Исмоилифар, 46), 30. Маҳди Ражабзода (77. Амиркамдар Аҳмад, 84), 33. Воҳид Муҳаммадзода.
Изоҳ (0)