O‘zbekistonda xizmat ko‘rsatgan quruvchi, san’atshunoslik fanlari doktori, professor, “O‘zbeknavo” estrada birlashmasining sobiq bosh direktori Bahodir Abdurahimov 2016-yil 14-mart kuni 69 yoshida Namangan viloyatida vafot etdi. Bu haqda “O‘zbeknavo”ning matbuot xizmati xabar qildi.
Abdurahimov Bahodir Abdurahimovich 1948-yil 23-sentabrda Namangan viloyatining Chust tumanida tug‘ilgan. 1966–1972-yillarda Farg‘ona davlat politexnika instituti talabasi bo‘lgan. 1972—1992-yillarda Namangan viloyat qurilish uyushmasi boshlig‘i, Qurilish tresti boshlig‘i, Namangan viloyat Chust shahar ijroiya qo‘mitasi raisi, “O‘zkolxozqurilish” tresti bosh muhandisi, Davqurilish bosh muhandisi bo‘lib ishlagan.
1992–2001-yillarda Madaniyat vaziri o‘rinbosari, 2001–2008-yillarda “O‘zbeknavo” estrada birlashmasi bosh direktori, keyinchalik Mirzo Ulug‘bek nomidagi O‘zbekiston Milliy universiteti “Xalqaro madaniy aloqalar va san’atshunoslik” kafedrasi mudiri lavozimlarida faoliyat yuritgan.
Izoh (0)