Toshkentning eski shahar qismidagi jarlik kuchli zilzila oqibatida yuzaga kelgani ma’lum bo‘ldi

Facebook’dagi Tashkent Retrospective sahifasi Toshkentning eski shahar qismida joylashgan seysmik yoriq suratini e’lon qildi.

“Shahar markazidan o‘n daqiqalik masofada joylashgan seysmik yoriq. Sirli joy — ‘Jar ariq’ jarligi. Bu yerdan oqib o‘tgan kanal 90-yillarda to‘liq quvurlarga joylangan va ko‘mib tashlangan. Endi bu yerda shu nomli — ‘Jar’ sport majmuasi qad ko‘targan”, — deyiladi postda.

Surat qachon va kim tomonidan tushirilgani noma’lum, biroq u ilmiy-tadqiqot arxividan olingan. U yerda unga nisbatan berilgan izohga ko‘ra, “Jar” jarligi Toshkent shahrida kuzatilgan juda kuchli zilzila oqibatida yuzaga kelgan seysmik yoriq yo‘lidir.

Yoriq yo‘li yer qobig‘ining ikkita plita bir-biriga nisbatan harakatlanadigan qismidir. Ushbu plitalar harakati ko‘pincha zilzilalarga sabab bo‘ladi.