O‘zbekiston Respublikasi Oliy Majlisi Senati Kengashi fuqarolar yig‘inlari raislari va ularning maslahatchilari vakolat muddati 2016-yil may—iyunda tugashi munosabati bilan navbatdagi saylovni o‘tkazish yuzasidan qaror qabul qildi. Bu haqda O‘zA xabar bermoqda.
Unga ko‘ra, fuqarolar yig‘inlari raislari (oqsoqollari) va ularning maslahatchilari navbatdagi saylovini o‘tkazish muddati 2016-yilning may—iyun oylari etib belgilandi. Bo‘lajak saylovda 9764 nafar fuqarolar yig‘ini raisi va ularning 99 ming nafardan ziyod maslahatchisi saylanishi rejalashtirilmoqda.
- Qoraqalpog‘iston Respublikasi Jo‘qorg‘i Kengesi, xalq deputatlari viloyat, tuman va shahar Kengashlariga 2016-yilning 20-martigacha bo‘lgan muddatda fuqarolar yig‘inlari raislari (oqsoqollari) va ularning maslahatchilari saylovini tashkil etish hamda o‘tkazishga ko‘maklashuvchi komissiyalarni tuzish;
- Qoraqalpog‘iston Respublikasi Vazirlar Kengashi, viloyat, tuman va shahar hokimliklariga fuqarolar yig‘inlari raislari (oqsoqollari) va ularning maslahatchilari saylovini tashkil etish hamda o‘tkazishda fuqarolar yig‘inlariga ko‘maklashish, zarurat bo‘lganda ularni binolar, transport va aloqa vositalari bilan ta’minlash;
- xalq deputatlari viloyat, tuman va shahar Kengashlari deputatlariga o‘z saylov okruglarida fuqarolarning o‘zini o‘zi boshqarish organlariga saylovga tayyorgarlik ko‘rish hamda uni o‘tkazishni tashkil etishda faol ishtirok etish tavsiya qilindi.
Izoh (0)