Ўзбекистон Республикаси Олий Мажлиси Сенати Кенгаши фуқаролар йиғинлари раислари ва уларнинг маслаҳатчилари ваколат муддати 2016 йил май—июнда тугаши муносабати билан навбатдаги сайловни ўтказиш юзасидан қарор қабул қилди. Бу ҳақда ЎзА хабар бермоқда.
Унга кўра, фуқаролар йиғинлари раислари (оқсоқоллари) ва уларнинг маслаҳатчилари навбатдаги сайловини ўтказиш муддати 2016 йилнинг май—июнь ойлари этиб белгиланди. Бўлажак сайловда 9764 нафар фуқаролар йиғини раиси ва уларнинг 99 минг нафардан зиёд маслаҳатчиси сайланиши режалаштирилмоқда.
- Қорақалпоғистон Республикаси Жўқорғи Кенгеси, халқ депутатлари вилоят, туман ва шаҳар Кенгашларига 2016 йилнинг 20 мартигача бўлган муддатда фуқаролар йиғинлари раислари (оқсоқоллари) ва уларнинг маслаҳатчилари сайловини ташкил этиш ҳамда ўтказишга кўмаклашувчи комиссияларни тузиш;
- Қорақалпоғистон Республикаси Вазирлар Кенгаши, вилоят, туман ва шаҳар ҳокимликларига фуқаролар йиғинлари раислари (оқсоқоллари) ва уларнинг маслаҳатчилари сайловини ташкил этиш ҳамда ўтказишда фуқаролар йиғинларига кўмаклашиш, зарурат бўлганда уларни бинолар, транспорт ва алоқа воситалари билан таъминлаш;
- халқ депутатлари вилоят, туман ва шаҳар Кенгашлари депутатларига ўз сайлов округларида фуқароларнинг ўзини ўзи бошқариш органларига сайловга тайёргарлик кўриш ҳамда уни ўтказишни ташкил этишда фаол иштирок этиш тавсия қилинди.
Изоҳ (0)