Nyu-Yorkda dunyodagi eng qimmat metro bekati ochildi. Bu haqda CBS New York xabar bermoqda.
Oculus deb nom olgan yangi bekat-xab 2001-yil 11-sentabrdagi terakt qurbonlariga bag‘ishlangan memorial yaqinida joylashgan. Uning tomi va shifti parvozga shaylangan oq qushni eslatadi. Loyiha muallifi — ispaniyalik futurist rassom Santyago Kalatrava.
Metro bekati qurilishi rejalashtirilgan besh yil o‘rniga 12 yilga cho‘zildi va unga 3,9 milliard dollar sarflanadi. Xarajatlar dastlabki hisob-kitoblardan deyarli ikki barobar oshib ketdi.
Oculus metroning 11 yo‘nalishi, shahar atrofi temir yo‘l bekati va parom kechuvini o‘zida birlashtirgan. Sutka davomida xab orqali 250 mingga yaqin yo‘lovchi o‘tadi. Bekat rasman ochilgan deb hisoblanayotgan bo‘lsa-da, uning ichkarisida bir necha oy ichida yakuniga yetkazish ko‘zda tutilgan qurilish va pardoz ishlari davom etmoqda.
Izoh (0)