“Yandeks”da “Yandeks.Kassa” orqali to‘lov qabul qiladigan internet-do‘konlar va saytlardagi buyurtmalar haqidagi ma’lumotlar tahlil etib chiqildi hamda rossiyaliklar 8-mart arafasida qanday sovg‘alar xarid qilayotgani haqida xulosalar chiqarildi, deb yozadi TJournal.
Bayram oldidan runetda an’anaviy ravishda kosmetika, taqinchoqlar va chevarlik mahsulotlari savdosi o‘sdi, internet-do‘konlar orqali gul buyurtma qilish 3—5 marta, shirinliklar buyurtmasi esa 1,6 marta ko‘paydi.
2016-yilda ommabop sovg‘a kitob bo‘ladi: ba’zi kitob do‘konlarida savdolar ikki barobar oshib ketdi. Shuningdek, elektronika, maishiy texnika, zargarlik buyumlari, sumka va aksessuarlar buyurtmasi ham o‘sdi.
Bundan tashqari, pul 8-mart uchun yaxshi sovg‘a deb topildi. Servis tomonidan o‘tkazilgan so‘rov natijalariga ko‘ra, foydalanuvchilarning 76 foizi sovg‘a sifatida ma’lum miqdordagi mablag‘ni olishdan mamnun bo‘ladi.
Izoh (0)