Нью-Йоркда дунёдаги энг қиммат метро бекати очилди. Бу ҳақда CBS New York хабар бермоқда.
Oculus деб ном олган янги бекат-хаб 2001 йил 11 сентябрдаги теракт қурбонларига бағишланган мемориал яқинида жойлашган. Унинг томи ва шифти парвозга шайланган оқ қушни эслатади. Лойиҳа муаллифи — испаниялик футурист рассом Сантьяго Калатрава.
Метро бекати қурилиши режалаштирилган беш йил ўрнига 12 йилга чўзилди ва унга 3,9 миллиард доллар сарфланади. Харажатлар дастлабки ҳисоб-китоблардан деярли икки баробар ошиб кетди.
Oculus метронинг 11 йўналиши, шаҳар атрофи темир йўл бекати ва паром кечувини ўзида бирлаштирган. Сутка давомида хаб орқали 250 мингга яқин йўловчи ўтади. Бекат расман очилган деб ҳисобланаётган бўлса-да, унинг ичкарисида бир неча ой ичида якунига етказиш кўзда тутилган қурилиш ва пардоз ишлари давом этмоқда.
Изоҳ (0)