Rejissor Burhon Sharopov “Xato yoxud firibgar oshiq” nomli film suratga oldi. “Bu film atigi 15 kunda suratga olingan”, degan gap-so‘zlarning qanchalik haqiqatga yaqinligini aniqlash maqsadida jurnalist Feruz Muhammad rejissor bilan muloqotda bo‘ldi.
— To‘g‘risini aytsam, syomka vaqtida vaqtim bo‘lmagani sabab, ikkinchi rejissor intervyu berib yuborgan ekan, — dedi Burhon Sharopov. — Aslida filmni 15 kunda emas, 10 kunda suratga olib bo‘lganmiz.
— Ijodiy jamoada necha kishi bor edi?— Jamoamiz 30 dan ortiq ijodkor, texniklardan iborat edi. 93 obyektli filmni 10 kun ichida suratga oldik. Tasvirga olish jarayonida texnik xodimlar va ijodiy jamoaning barcha a’zolari yaxshigina jonbozlik ko‘rsatdi.
— Suratga olish ishlarida vaqt taqsimoti qanday bo‘ldi? — Tasvirga olish ishlari har kun tong soat 7:00 da boshlanib, tungi 1:00—2:30 largacha davom etdi.
— 10 kunda suratga olingan filmning sifati, bahosi qanday bo‘larkin?— Nimani o‘ylayotganingizni tushundim. Suratga olish ishlariga 10 kun sarflangan bo‘lsa-da, aktyorlarni tayyorlab, chig‘irig‘imdan o‘tkazguncha olti oy vaqt ketdi. Film suratga olinadigan obyektlarni izlash uchun ham 6—7 oy vaqt sarflaganmiz. Umumiy hisobda tayyorgarlik jarayonining boshlanishidan to montaj jarayoni tugaguniga qadar bir yildan ortiq vaqt sarfladik. Filmni ko‘rgandan so‘ng, unga qanchalik mehnat sarflanganiga o‘zingiz guvoh bo‘lishingiz mumkin.
Izoh (0)