Pixar studiyasining to‘liq metrajli “Boshqotirma” (“Inside Out”) multfilmi AQSh kinoakademiyasining “Oskar” mukofotini qo‘lga kiritdi, deya xabar bermoqda “RIA Novosti”.
“Eng yaxshi animatsion film” yo‘nalishida, “Boshqotirma”dan tashqari, Britaniya va Fransiya ijodkorlarining “Qo‘zichoq Shon” (“Shaun the Sheep Movie”), Braziliyaning “Bola va olam” (“Boy & the World”), shuningdek, “Anomaliza” (“Anomalisa”) va “Marnining xotiralari” (“When Marnie Was There”) multfilmlari g‘oliblik uchun da’vogar edi.
“Oskar” mukofotining 88-taqdimoti Toshkent vaqti bilan 29 fevral kuni Los-Anjelesdagi “Dolbi” kinoteatrida bo‘lib o‘tdi.
Izoh (0)