SS sobiq a’zosi, Osvensim konsentratsion lagerida feldsher bo‘lib ishlagan 95 yoshli Xubert Safke 29-fevral, dushanba kuni Germaniya sudi qarshisida namoyon bo‘ladi, deya xabar bermoqda “TASS”.
Safke o‘zi 1943-yildan feldsher bo‘lib ishlagan Osvensimning minglab asirlari o‘limiga aloqadorlikda ayblanmoqda. Sudda kamida ikki nafar guvohning ko‘rsatmalari tinglanadi. Germaniyaning Shverin shahri prokurorlari ishonch bildirishicha, Safke shifokor sifatida asirlarni ommaviy tarzda qirishda ishtirok etgan.
Uning bevosita majburiyatlariga SS rahbariyatini davolash kirgan, biroq shifokorning xonasi asirlar gaz kameralariga olib o‘tiladigan yo‘l ustida joylashgan bo‘lgan. Ayblovchilar ta’kidlashicha, Safke har kuni krematoriy ustidan ko‘tarilayotgan tutunni kuzatgan va asirlar yoqib yuborilayotganidan bexabar bo‘lgan bo‘lishi mumkin emas.
Izoh (0)